Stella Nera

Chella è na stella nera
chella è na stella nera
gente ca nun se tene
e sta senza penziere
pè mare ‘o tiempo nun passa maje
è positivo e intanto sudano ‘e mmane
maronna e comm’e futo
ca nun se vede ‘o funno
me manca ‘o sciato e scengo
e intanto tengo mente
‘a muntagna è luntana assaje
‘o mare se fa gruosso
e arrassumiglia ‘o cielo
Se vede quacche luce
e ‘a finanza nu se fa vedè’
gente ‘e mare s’aiuta
ma po’ ognuno penza a sé…
Penziere ‘e chi nun torna
l’acqua è càura ma ched’è?
miette tutte cose a buordo
fuje e nu penzà’ a me…
nascette miezo ‘o mare
forze int’a natu munno
scugliera senza sole
scengo sempe sulo
e ‘a muntagna è luntana assaje
‘o mare se fa gruosso
e arrassumiglia ‘o cielo
Se vede quacche luce…