Davide Van De Sfroos

San Macacu E San Nissoen

Davide Van De Sfroos

album:

Laiv (Cd 1) (2003)

San Macacu E San Nissoen testo

L’è una sira storta cumè un cerott in soel genoecc,
in giir a cràpa volta cun scià un desmila in di sacocc
e tira un’aria stramba, uduu de fogna e de limòn,
e l’angelo custode l’è turnaa indree a cambià i culzòn

Ogni menütt el spuung cumè un’urtìga in di culzètt
c’è chi fa testamento in soel müür del gabinètt
el Grignolino el rüzza, gh’è de sbutunà el vestii
il cielo ha l’orticaria e me ho appèna digerii

E cumè un sacch de la rüdèra, spèci quaivoen che me tö sö
gh’è una madòna in canuttiera che de miracuj ne fà piö
e ogni umbria l’è una pantèra, ogni suspiir el paar un pìtt
e questa loena de grovièra la sà piö gnanca lee se ditt

L’è el dè de San Macacu, la nocc de San Nissoen
se tirum via el cuveerc e se impienissum de canzòn.
L’è el dè de San Macacu, la nocc de San Nissoen
vurèvi smurzà tütt ma ho piö truvaa el butòn

Ogni purtiera verta veed mea l’ura de saràss
la sigaretta stracca veed mea l’ura de smurzàss
se borla giò una stèla la fà mea frecass
esprimi un desiderio, ma gh’è mea de fidàss

De fö de la stazion gh’è Belzebù cun scià i valiis
le corna senza punta e uramai g’ha i cavej griis
cerca un treno per l’inferno se lo troverà
ma in una notte come questa ghe paar de vèss a cà

e cumè Batman in galèra ciapi la mira cuntra i sbarr
e spèci l’alba o la curiera o un taxista in mutucarr,
e cumè un gatt sö la tastiera soni la canzòn di matt
questa mannaia primavera la pica giò senza ciamàtt

L’è el dè de San Macacu…..

Ascolta San Macacu E San Nissoen - Davide Van De Sfroos