Nun S’ave Idea

Aggio visto ‘o diavolo dint’all’uocchie me pareva Gesù
Aggio visto dint’a nu pallone
‘ o sudore ‘e nu criaturo che cose
Aggio avuto ‘na carezza ‘e bene cu na lama nascosta mmiez’ ‘e ddete
Nun s’ave idea nun s’ave idea tutto chello ca succede ma che d’ è

E mo respira forte mina fore ‘a paura
So’ troppe ccose che se movono dinto ‘o scuro
Eppure se ‘a terra coce me porto ‘o bene ‘ncuollo(1)
E trovo sempe quaccosa che è doce
nun s’ave idea
Nun se capisce ‘o bbene e ‘o mmale chi è
Si vedo nu sorriso dint’ ‘a nu schermo saccio ca è ‘n’omme
Ca tiene vierno(2) ncuorpo muorte e ferite ‘e mmane ncoppo
A tutte cose ‘o iuoco è chisto e ce stamme arinte tutte quante
si miette l’euro ‘n coppo a banca
investono ‘e denari cu ‘e bombe e cu ll’armi
scagnano soldi co’ sanghe
E tu nun sai niente è ‘nfame stu tiempo
ma saccio che ‘o mmale fa rummore e ‘o
Bbene se move zitto zitto…

Aggio visto l’ammore ‘o vero libero dinto a miseria
Dinto a lota cchiù fetente nasceno ‘e sciuri cchiù lucente
Dinto a l’uocchie ‘e chi è scurnuso(3) sta annascuso(4) nu sole grande che abbrucia

Nun s’ave idea nun s’ave idea tutto chello che se vede attuorno a mme…

(1) addosso
(2) inverno
(3) timido
(4) nascosto