Claus Breuer

Ahle Mann (Wenn Mich Hellich Ovend Einer Dröcke Dät)

Claus Breuer

Altre Canzoni cover

Ahle Mann (Wenn Mich Hellich Ovend Einer Dröcke Dät) testo

Ne einsame ahle Mann, der nit mieh hätt, als hä drage kann,
hätt schon zick sibbe Johr, ungerm Stänezelt sin ze Hus.
Manchmol setz hä einfach do un denk dodran, wie et fröher wor.
Hä wor beliebt, half jän – un mit singem Jeld kom hä jot us.
Sulang hä och an fröher denk, keiner mäht ihm dat Jeschenk.
Jelejentlich wünsch hä janz heimlich, still bei sich:

Refrain:
Ich wör fruh, wenn mich Hellichovend einer dröcke dät.
Mir leis säht, och ich bin e klein Besje jet wät.
Wenn dat Fess der Liebe nit nur e Märche wör.
Fingk dä kleine Wunsch dann kein Jehür.

Strophe 2:
Su mancher es jetz op jöck. Durch die Lädcher, die mer schön jeschmöck.
Söck noch Jeschenke us un wünsch sich Schnie zom Weihnachtsfess.
Drusse steiht der ahle Mann un luurt sich en singer Lumpe an.
Ihm es et kalt – hä friert un hä weiss nit, wat morje es.

Sulang hä och an fröher denk, keiner mäht ihm dat Jeschenk.
Jelejentlich wünsch hä janz heimlich, still bei sich:

Refrain:….

Strophe 3:
Et klingk leis dat Jlockespill. Vum Himmel söck sich leis un still
dä Schnie su singe Wäch, fällt op dat Jraf vum ahle Mann.
Keiner hätt an ihn jedaach. Hä nohm Affscheed en der Weihnachtsnaach.
Helt bes zom letzte Schluss jäjen die Kält un der Hunger us.
Sulang hä och am Hoffe wor, nie wor einer für ihn do.
Dat besje Jlöck, wat hä selfs jov, kom nie zoröck.

Ref: B:
Hä wullt nur dat ihn Hellichovend einer dröcke dät.
Ihm leis säht “Och Do bes e klein Besje jet wät”.
Dat et Fess der Liebe nit nur e Märche wör.
Dieser kleine Wunsch fungk nie Jehür.

Sprachteil
Et es nit wichtig, ob ne Minsch jet Besonderes kann oder hätt.
Et es och nit schlimm, wenn ne Minsch ens ne Fähler mäht.
Dat einzige wat wirklich zählt es, dat man däm Minsche, der mer mach,
ens aff un ahn säht, dat hä einem jet bedügge deit,
un dat bei diesem Minsche niemals dieser Wunsch wach werden muss.

Ich wör fruh, wenn mich Hellichovend einer dröcke dät.
Mir leis säht, och ich bin e klein Besje jet wät.

© Claus Breuer